Saturday, October 29, 2011

Яагаад Мөнхийн Эзэн бидний дотор амьдрах гээд байгаа юм бэ?



Учир тэр миний амь байхыг хүссэн юм.

Христийн төлөө амьдрах биш юм. (Олон удаа Христчин хүмүүс бид Түүний төлөө амьдрах гээд хамаг байдгаараа дүлээд байдаг. Харин Түүний дотор, эсвэл Тэр миний дотор амьдрах нь дүлээд байх шаардлагагүй гэдгийг би ойлголоо. Христ миний дотор амьд!)

Thursday, October 6, 2011

Санахын зовлон гэж байдаг

Энэ сэдвээр нөхөр бид 2 нэг орой нээх сайхан ярьж суусан юм.

Ингээд би юу ойлгосоноо буулгая.

Ээжийг маань Ч. Халиун гэдэг. Маш сайн шүдний эмч хүн байлаа. Одоогоос 6 жилийн өмнө өвчний улмаас хорвоогийн мөнх бусыг үзсэн. Түүнээс хойш би ээжийг маш их санадаг болсон. Гэрт нь юм хийж байгаад энд тэндээс хэрэглэж байсан юмнууд гарч ирэхээр санасан сэтгэлээ барьж дийлэлгүй, эхэр татан уйлна. Өмссөж байсан хувцасыг нь үнэрлээд бас санаж уйлна. Яагаад ч юм ханатлаа тэврүүлэхсэн гэж өмнөхөөсөө ч илүү ихээр хүснэ. Хайртай хүнээсээ хагацана гэдэг нь элэг цөс өмөрч, зүрх сэтгэл хоосноор дүүрч, хаа нэгтээгээс гараад ирэх юм шиг, нэрээр минь дуудаад зогсож байх юм шиг санагдаад их л хэцүү болдог юм байна лээ. Одоо ч гэсэн би ээжийгээ санасаар байгаа.

Wednesday, September 28, 2011

Thursday, September 22, 2011

Хэт санаа зоволт

Урьд шөнө яагаач үгүй нойр хулжаад сэрчдэг юм байна. 

Гэнэт амьралд минь байгаа элдэв зүйлд санаа зовж эхэллээ. Ингэвэл яанаа, тэгчихвэл яанаа гэх мэт.... сонин сонин юм бодогдоод санаа зовсноосоо болоод бүүр нойр сэрчих юм.

Гэнэт Мөнхийн Эзэний дуу хоолой надаас асууж байна аа. 

"Орой болоод нар жаргадаг. Гэтэл чи -Өөөөө, яанаа маргааш энэ нар ахиад мандах болов уу гэж санаа зовохтой ялгаагүй хэрэггүй олон юманд дэндүү их санаа зовохоо больж үз. Маргааш болоход нар ямар ч байсан ахиад л манддаг биш үү" гэлээ.

Нээрээн нар яасан ч байсан ахиад л манддаг даа. Миний амьдралд ахиад л олон олон боломжууд гараад л ирнэ шүү дээ. Гэтэл би ингэж санаа зовох юу байна даа гэж би бодлоо, хандлагаа өөрчиллөө. 

Мөнхийн Эзээн, миний зүрхэнд байгаа санаа зоволт болгоныг та өөртөө аваач, би танд найдаж сурмаар байна. Танд л найдмаар байна.


Tuesday, August 30, 2011

Мөнхийн Эзэний Ивээл

Би нэгэн цагт Их Эзэнээс олон зүйлсийг гуйж тэдгээр гуйлтуудыг минь өгөхгүй байгаад сэтгэл үнэхээр тайван биш байдаг байлаа. Гэхдээ эцэст нь нэг зүйлийг маш сайн ойлгосон юм. Тэр юу вэ гэвэл: миний Их Эзэн миний гуйлтыг анхааран сонсдог боловч яг л надад хэрэгтэйг, надад хэрэгтэй гэснийг минь л өгдөг юм байна. Тэр өгсөн зүйл нь эргээд миний амьдралд бас бусдын амьдралд үнэхээрийн үр дүнтэй байдгийг ойлгосон билээ.

Тийм ч учраас би ямар ч үед Түүнтэй хамт байхыг хүсдэг.

Гол нь тэр миний төлөө бас таны төлөө гараа сунгадаг юм.

Харин ихэнх тохиолдолд хүмүүс бид Эзэнээс олгогдож байгаа зүйлс дөнгөж амлагдах төдийд сэтгэл ханаж, Түүнээс холддог. Яг л бидний хэлдэгээр АШИГЛААД ХАЯДАГ гэх үү дээ. Тэгээд амьдралд нэг хэсэгтээ Түүний хэрэг алга дөө гэж бодох тохиолдолд их байдаг. Харин энэ бол Эндүүрэл юм шүү. Миний Мөнхийн Эзэн ХАМГИЙН САЙНАА бас ДЭНДҮҮ ХАНГАЛТТАЙГААР өгөхийг хүсдэг. Харин ухвар мөчид бидний тархи Түүнийг ДУТУУ үнэлж, дөнгөж л ажлаа эхлэх үед нь Түүнээс холдож, байгаа жаахан ивээлдээ сэтгэл ханаж байдаг нь харамсалтай!

Христийн Хүмүүс ээ! Бид Түүнээс авсан ивээлдээ үнэнчээр хандах цаг нь болжээ. Хэрэв амьдрал чинь одоогоор амар амгалан байгаа бол битгий тайвшир, цаг үргэлж Түүнтэй ойр байх тухай бодож бай. Түүнээс зуурсаар бай. Түүнтэй ойр дотны харилцаагаа байнга сэргээж бай.

Мөнхийн Эзэн яагаад Мөшэхийг "Та хэн юм бэ?" гэж асуухад яагаад Тэрээр "Би бол Би Байдаг" гэж хариулсныг санах хэрэгтэй. Энэ тухай би өөрийн үлгэр дуурайлал болсон хүний сургаалаас суралцсан юм. Яагаад Мөнхийн Эзэн "Би бол БАйдаг" гэж хэлсэн учир нь бидний Түүнийг таниж мэдснээр улам их амжилт...төсөөлөхийн аргагүй тэр л оргилд хүрэх болно шүү.

Хамтдаа Мөнхийн Эзэн Эцэг, Түүний хүү Есүс Христ, Ариун Сүнстэй нь нөхөрлөх бүхий л аргыг эрэн хайж, судалцгаая.

Их Эзэн чамайг ивээг!

Sunday, August 7, 2011

Эдгэрэл

Аниа - Чарльз иржээ. Та очиж наад сахрын өвчныхөө төлөө залбируулаач.
Эмээ - Би сахрын өвчнөөр үхнэ гэж байхгүй. Эзэн надад намайг үхээд дахин амилуулахыг харсан хүн шүү би. Надад тийшээ явах шаардлага байхгүй. Харин эдгэрэхгүй байгаа хүмүүс тийш явсан нь дээр .

Эдгэрэл хүний итгэлээс шалтгаалж ирдэг. Хэрэв Эдгэрэл нэгт таны гарт, таны талд байгаа бол дахин дахин эдгэрэлийн цуглаан нтр-т явах ямар ч шаардлагагүй. Гол нь ИТГЭХ хэрэгтэй! Яг л миний эмээ шиг бай л даа.

Wednesday, May 25, 2011

Оюун санаадаа ялагч бай

Оюун бодол, оюун санаа гэдэг үнэхээр хүчтэй, тиймээс ч Сургаалт Үгс номын зохиогч бас энэ талаар чадварлагаар дурьдсан байгаа юм. (Сургаалт Үгс 23:7 Учир нь тэр дотроо боддогтойгоо адил юм. "Ид! Уу!" гэж тэр хүн хэлдэг боловч зүрх сэтгэл нь чамаас хол байдаг юм.)

Эрч хүчтэй амьдрах гээхээр сөрөг бодлууд байсаар байдаг.

Үнэндээ бол эерэг хандлага танд огт байдаггүй.

Би өөрийнхөө тухай дурьдая л даа, амьдрал минь нэг хэсэг удаан хугацаанд уйтгартай гунигаар дүүрэн, баяр хөөргүй, өглөө сэрэх бүртээ сөрөг хандлагаар дүүрэн нүдээ нээж, сэтгэлийн хямралтай бодлууд ар араасаа урцгаадаг байлаа.

Харин одоо бол би үнэн сэтгэлээсээ нэг зүйлийг хэлж чадна.

Ариун Сүнс миний оюун санаанд ажлаа хийснээр, Христээр удирдуулсан бодол санаатай болсон юм. (Юу гэж хэлэх гээд байна вэ гэвэл “Сүнсээр Удирдуулсан Бодол Санаа” намайг хөтлөдөг болсон гэсэн үг)

Магадгүй та өнгөрсөн хугацаанд сөрөг бодол санаандаа урхидуулан идэвхгүй, уйтгараар дүүрэн амьдралаар амьдарсаар ирсэн байх, харин одоо энэ байдлыг өөрчлөх цаг нь болсон биш үү!

Өөрчлөлт - Шинэчлэлт

Хэрэв та сөрөг бодол санаатайгаа тэмцэлдсээр байгаа бол, гол нь бодол санаагаа өөрчлөж, шинэчлэхээс нааш амьдралд чинь ямар ч амжилттай байхгүй шүү.

Мөнхийн Эзэн өөрчлөлт, шинэчлэлтэнд үнэхээр дуртай.

Библид хэлэхдээ Мөнхийн Эзэн бидэнд үнэхээр хайртай гэсэн байдаг. Гэсэн хэдий ч та үүнтэй итгэлээрээ холбогдохоос төвөгшөөдөггүй гэж үү? Хэрэв бид Мөнхийн Эзэний Үгэн дээр анхааралаа хандуулж чадахгүй юм бол, Түүний бидэнд ямар их хайртай гэдгийг ойлгож чаддаггүй юм байна гэдгийг би ойлгож авсан.

Мөнхийн Эзэний ХАЙР гэдэг нь бидний амьдрал дахь хүчирхэг өөрчлөлт бөгөөд хүнд хэцүү дундуур хөтлөн гарч, ялалт руу чиглүүлэгч юм.

Та юу бодож байгаагаа цаг үргэлж хянаж бай

Бид оюун санаандаа юу бодож, тунгааж байх ёстойг библи бидэнд цаг ямагт харуулаг.

Филипой 4:8 (Эцэст нь, ах дүү нар аа, юу нь үнэн, юу нь хүндэтгэлтэй, юу нь зөв, юу нь цэвэр ариун, юу нь сайхан, юу нь сайшаалтай байна, хэрэв аливаа сайн үйл байгаа бол, хэрэв магтууштай ямар нэгэн юм байгаа бол тэдгээр юмсыг бодож санацгаа.) хэлэхдээ биднийг дарагдаж байхыг биш, харин ч өндөрт өргөж, бариж, босгох талаар дурьдсан байна.

Хэрэв та үнэхээр итгэгч бол өдөр бүр уншиж буй ишлэл дээрээ үндэслэн бодлоо өөрчилж чадахгүй байгаа бол үүнийг одоо хийх цаг нь болжээ. Та шинэчлэгдсэн бодлыг сөрөг бодолтой хольж, хутган байна уу эсвэл үе үе элдэв ойлгомжгүй бодлоор оюун бодлоо дүүргээд байна уу?

Би амьдралынхаа ихэнх үеүдийг толгой эргэм хэрэгтэй, хэрэггүй элдэв юм бодож өнгөрөөдөг байлаа. Ихэнх бодлууд нь Сатаны шивнэсэн худал хуурмаг үгүүдээр дүүрсэн дэмий бодлууд байсан юм. Муу сүнс намайг, миний бодлоор дамжуулан удирдахыг эрмэлздэг.

Маарх 4:24 Та нар сонсож байгаа зүйлээ анхаарагтун. Өөрсдийнхөө хэмжүүрийн жишгээр та нар хэмжигдэх болно. Нэмж өгөгдөх ч болно. Энд Үгний талаар улам ихээр эргэцүүлэн бодож, ингэснээрээ бид улам сайжирч, хүчтэй бас чадварлагаар алхаж чадах тухай өгүүлсэн байна.

Мөн Үгийг улам ихээр дурлан уншиж, анхааран сонссоноор, илчлэлтүүдийг ойлгож, ухаарах чадваруудыг бид хүлээн авах болно.

Махан биеийн тав тух, залхууралтай байдлаар бид Мөнхийн Эзэнээс оновчтой зүйлсийг олж мэдэж чадахгүй ээ. Ийм арга чарга ч гэж байх үгүй.

Зөвхөн Мөнхийн Эзэний Үгэн дээр л зогсож байж, чи хүрэх газраа хүрэх болно.

Мөнхийн Эзэний Үгийг өдөр бүр уншиж, тунгаан бодож, эргэцүүлэн бай! Ингэснээрээ та сэтгэл татам ухаалаг байж, агуу мэдлэг, ур чадварыг Түүнээс хүлээн авах болно!