Даниел 3: 16 – 18
~ ~ 10 хүнээс судалгаа авчээ, 9д нь хамгийн урт нь Б гэж хариулаарай гээд урьдчилан судалгаанд орохоос нь өмнө зааж өгчээ. Судалгааны субъект нь 10 дахь хүн байсан ажээ. Тэгтэл үр дүн нь харсаар хамгийн урт хариулт А байтал 9 хүн Б гэж сонгосон тул 10 дах хүн хамгийн уртаар Б-г сонгосон байна. Тиймээс бид бодитой үнэ цэнийг эргэн тойрноороо тодорхойлуулаад явдаг. Тэгж дарамтанд ороод явж байдаг. Үнэ цэнэтэй зүйл нь бусдын тэр нөлөөнөөс болж 2-т тавигддаг байна. Ингээд л бид нийгэмд гэрэл давс нь болж чаддаггүй.
Ром 12:2 Өөрийгөө өөрчил, ямар ч аргагүй энэ нийгмээс зугтах боломжгүй. Энэ нийгэмд л бид дуудагдсан.
Таны хувьд юу чухал вэ? Мөнгө үү, гэр бүл үү?
Монгол даяараа Солонгос руу гэр бүлээ орхин явдаг хүмүүсийг гайхдаг. Яагаад гэр бүлтэй, гэр бүлгүй залуучууд гадаадруу гарч ажилладаг вэ. Бусад хүмүүс сар бүр гэрлүүгээ доллар явуулж байгааг хараад болноо хэмээн бодоод явдаг. Гэтэл 3 жил яваад ирэхэд гэр бүлээ алдчихсан байх болно гэдэг энэ аймар үнэн.
Бүр энэ нь моод болчихсон. Ямар үед ямар үг, хувцас өмсөх вэ гэдгээ бодолгүй нөлөөнд автан амьдардаг. Яг адилхан хувцас, зан авиртай бол яаж та өөрчлөх гээд байгаа вэ.
Даниел номонд тэр 3 найз сайн дураараа Вавилон хотод ирээгүй, өөрсдийг тоносон дээрэмдсэн, алсан хүмүүсийн төлөө хэлийг нь сураад бүр утга зохиолыг нь сурах тэр хэцүү нөхцөлд амьдарч байсан.
Бид яг тэдний адил: яаж энэ дэлхийн үнэ цэнийг өөрийн болгож сохролгүйгээр энэ нийгмийн дунд өндөрт явах вэ.
Даниелийн 3 найз тийм өндөрт явсан.
Бид байнга ямар нэг шийдвэр гаргах хэрэгтэй болдог.
Бизнесмен хүний хувьд хэзээ худлаа ярьж, ашгийн төлөө улайрах вэ, миний тэр шугам хаана вэ? Хаагуур тэр зураасаа татах вэ? Даргынхаа үгэнд аль хүртэл орох вэ, аль цэг хүртэл орох ёстой вэ, аль онигоог завхай онигоонд тооцох вэ, аль бүжгийг ямар хөдөлгөөнөөр бүжиглэх вэ, ямар хөдөлгөөн завхай эротикт орох вэ, та зураач бол нүцгэн хүүхэн зурах уу, хир зэрэг нүцгэн хувцасгүй зурах вэ?
Үүний хариултыг хүмүүс сүмээсээ хайж ирдэг. Гэтэл таарсан нэг ч хариулт байдаггүй. Яагаад гэвэл нөхцөл байдал, янз бүр байдаг. Тиймээс хүн бүрт таарах тэр зураас гэж байхгүй.
Жишээлбэл, охидуудаа өвдөгнөөсөө 5 хуруу дээш юбка өмсч болохгүй, 6 хуруу дээш бол гэмд орсонд тооцогдоно гэх үү?
Даниел номонд, Небухадназер хааны дүртэй хөшөөнд хөгжмийн дуунаар мөргөхийг тушаав. Тэр олон хөгжим дуугарах үед ард түмэн бүх юмаа орхиод мөргөнө, гэтэл 3 хүн мөргөдөггүй. Тэр газар тэр 3-с өөр олон олон еврейчүүд байсан ч өвдөг нугалан мөргөсөн. Тэгтэл тэр 3-н талаар хов жив хааны чихэнд хүрсэн. Тэгээд хааныг дуудахад, тэд хааны өмнө ирсэн. Тэгээд хаан бүрээ бишгүүрээ үлээж, тэднийг мөргөхийг дахин шаардахад тэр 3 тийм зүйл хийсэнгүй.
Хаагуур зураас татах ёстойг чинь зааж чадахгүй. Харин ямар хандлагатай байх нь чухал. Энэ доорх 3 хандлагыг яс харуулаад явж байхад таны зураас харагдах болно. Тэр эвгүй байдлаас чинь Ертөнцийн Эзэн дагуулаад гарна.
1: Бид хүнд таалагдах гэж биш цорын ганц Ертөнцийн Эзэнд таалагдах гэж амьдарна.
Даниел 3:16
Тэд танд тайлбарлах юм байхгүй, учирлан гуйх шалтгаан байхгүй гэсэн.
Даргадаа, найз охиндоо, багшдаа таалагдах нь гол биш, тэдэнд таалагдах гэж гүйж байхаар таалагдахгүй байсан нь дээр. Зөвхөн Мөнхий Их Эзэнд л таалагд.
- Ааваа та инээж байна уу?
- Үгүй гэж байгаа бол та хийх гэж байгаа зүйлээ чадахгүй гэж хэлсэн нь дээр.
Миний хийх гэж буй үйлдэл Ертөнцийн Эзэнд таалагдахгүй бол бусдыг гомдоохоос бүү ай, тэглээ гээд хавийн амьтдыг гомдоовол мөн Ертөнцийн Эзэнд таалагдахгүй.
2: Ертөнцийн Эзэний агуу их мэдлэгтэй байх ёстой.
Даниел 3:17
Ертөнцийн Эзэн бүхнийг захирдаг гэдгийг санах хэрэгтэй. Тэгвэл Ертөнцийн Эзэн биднийг эвгүй байдлаас аварна.
Даниел болон түүний найзууд хааныг үгээ хэлж эхлэхэд эргэлзээ ч үгүй шууд л Ертөнцийн Эзэнд найдсан. Гэхдээ та библиэ уншихгүй, гэм хийгээд яваад байвал яг тэр хутганы ирмэг дээр ирэхэд одоо намайг аврах болов уу, яах бол гээд бишүүрхэн Ертөнцийн Эзэнд найдах, зориггүй болох болно.
Хэрвээ та ням гарагын цуглаанд л сургаал сонсон хооллож явдаг бол хүний зажилж~зажилж~зажилж өгсөн хоол идчихээд дараагын ням гараг хүртэл баяртай явах уу?
7 хоногт зөвхөн ганц удаа бяцхаан хоол иддэг хүн байна уу?
Та өөрөө Ертөнцийн Эзэнтэйгээ ойрт найзлах нь дээр, тэр үед Ертөнцийн Эзэнийг ямар агуу гэдгийг өөрөө мэдэх болно.
Тэгж та мэдлэгтэй болбол тэгээд та галын өмнө ирэхэд миний Эзэн намайг таны гараас аврах болно гэнэ. Тэгж байж таны сүнсний булчин байнга ажиллаж та рефлекстэй болно.
Оюун бодлоо шинэчлэн байж өөрчлөгд. Ром 12:2
Ертөнцийн Эзэнд таалагдахын төлөө хамаг юмаа орхин гүй, яг л найз охиндоо таалагдах гэж улайран гүйдэг шигээ.
3: Дуулгавартай байдлынхаа үнийг төлөхөд бэлэн бай.
Даниел 3:18
Миний Ертөнцийн Эзэнд таалагдахгүй тул ажлаас халагдах байсан ч шийдэмгий бай.
Есүсийн 12 дагалдагчдийн 1 нь л өндөр наслан нас барсан бол бусад нь бусдын гарт үрэгдэж өөрсдийн цусаараа энэ Христийн хаанчлалыг босгосон.
Есүс: Багшаасаа илүү шавь гэж үгүй. Минийх болсны чинь төлөө ... гэж хэлсэн.
Заавал та хамт олныхоо өмнө хэнхэгээрээ гадуурхагдаж, шоолуулж, дуулгавартай байдлынхаа үнийг та төлөх болно.
Үзэгдэл 11:12 Сатаныг ялсан хүмүүсийн тухай – хурганы цус, гэрчлэлийн үг, амиа ч хайрлаагүй явж байж ялсан.
Парадокс амьдрал: Христэд итгэгч нар авахын төлөө өгөх.
Христ хэлэхдээ: "Амиа аврах гэсэн нь алдаж, амиа золиослосон нь аврагдах болно."
Тиймээс дуулгавартай байдлынхаа үнийг төлөх хэрэгтэй. Тэр 3 найз үхвэл үхье гэж шийдсэн байсан. Хэрэв бид үхлээс айж амьдарвал тэгж айсандаа үхч амьдрана, харин үхлээс айхгүй бол тэр чигээрээ амьд амьдралаар амьдрана.
Харин энэ дэлхийн юмтай хамт Ертөнцийн Эзэнийн хаант улсын төлөө амьдрах гээд байдаг. Гэмд орооцолдохгүйгээр хир зэрэг энэ дэлхийн юмтай ойртож амьдарч болохыг туршин амьдарсаар байдаг.
Та өөрөө шийдэх хэрэгтэй.
Та тэр хүмүүстэй мөр зэрэгцэн Есүсийн өмнөөс харан зогсох уу, Есүстэй мөр зэрэгцэн тэр хүмүүсийн өмнөөс харан зогсох уу?
Есүс: "Бүлээн хоол шиг хүмүүс гэж хэмээн зүйрлэн хэлсэн. Халуун хоол шиг бай" гэж хэлсэн.
Та тэр дуулгавартай байдлынхаа төлөө гав ганцаар төлбөр төлөх болно.
Үүний төлөө та бэлэн бай.
Зориулалтгүй хоёрын хооронд амьдрал танд хараал авчирах болно. Тэгээд сүүлд дэлхий Ертөнцийн Эзэний аль альных нь өмнө үнэ хүнд танд ирэхгүй.
Ертөнцийн Эзэнд Өнөөдөр өөрийгөө бүрэн зориулахаар шийдээрэй.
