Оюун бодол, оюун санаа гэдэг үнэхээр хүчтэй, тиймээс ч Сургаалт Үгс номын зохиогч бас энэ талаар чадварлагаар дурьдсан байгаа юм. (Сургаалт Үгс 23:7 “Учир нь тэр дотроо боддогтойгоо адил юм. "Ид! Уу!" гэж тэр хүн хэлдэг боловч зүрх сэтгэл нь чамаас хол байдаг юм.”)
Эрч хүчтэй амьдрах гээхээр сөрөг бодлууд байсаар байдаг.
Үнэндээ бол эерэг хандлага танд огт байдаггүй.
Би өөрийнхөө тухай дурьдая л даа, амьдрал минь нэг хэсэг удаан хугацаанд уйтгартай гунигаар дүүрэн, баяр хөөргүй, өглөө сэрэх бүртээ сөрөг хандлагаар дүүрэн нүдээ нээж, сэтгэлийн хямралтай бодлууд ар араасаа урцгаадаг байлаа.
Харин одоо бол би үнэн сэтгэлээсээ нэг зүйлийг хэлж чадна.
Ариун Сүнс миний оюун санаанд ажлаа хийснээр, Христээр удирдуулсан бодол санаатай болсон юм. (Юу гэж хэлэх гээд байна вэ гэвэл “Сүнсээр Удирдуулсан Бодол Санаа” намайг хөтлөдөг болсон гэсэн үг)
Магадгүй та өнгөрсөн хугацаанд сөрөг бодол санаандаа урхидуулан идэвхгүй, уйтгараар дүүрэн амьдралаар амьдарсаар ирсэн байх, харин одоо энэ байдлыг өөрчлөх цаг нь болсон биш үү!
Өөрчлөлт - Шинэчлэлт
Хэрэв та сөрөг бодол санаатайгаа тэмцэлдсээр байгаа бол, гол нь бодол санаагаа өөрчлөж, шинэчлэхээс нааш амьдралд чинь ямар ч амжилттай байхгүй шүү.
Мөнхийн Эзэн өөрчлөлт, шинэчлэлтэнд үнэхээр дуртай.
Библид хэлэхдээ Мөнхийн Эзэн бидэнд үнэхээр хайртай гэсэн байдаг. Гэсэн хэдий ч та үүнтэй итгэлээрээ холбогдохоос төвөгшөөдөггүй гэж үү? Хэрэв бид Мөнхийн Эзэний Үгэн дээр анхааралаа хандуулж чадахгүй юм бол, Түүний бидэнд ямар их хайртай гэдгийг ойлгож чаддаггүй юм байна гэдгийг би ойлгож авсан.
Мөнхийн Эзэний ХАЙР гэдэг нь бидний амьдрал дахь хүчирхэг өөрчлөлт бөгөөд хүнд хэцүү дундуур хөтлөн гарч, ялалт руу чиглүүлэгч юм.
Та юу бодож байгаагаа цаг үргэлж хянаж бай
Бид оюун санаандаа юу бодож, тунгааж байх ёстойг библи бидэнд цаг ямагт харуулаг.
Хэрэв та үнэхээр итгэгч бол өдөр бүр уншиж буй ишлэл дээрээ үндэслэн бодлоо өөрчилж чадахгүй байгаа бол үүнийг одоо хийх цаг нь болжээ. Та шинэчлэгдсэн бодлыг сөрөг бодолтой хольж, хутган байна уу эсвэл үе үе элдэв ойлгомжгүй бодлоор оюун бодлоо дүүргээд байна уу?
Би амьдралынхаа ихэнх үеүдийг толгой эргэм хэрэгтэй, хэрэггүй элдэв юм бодож өнгөрөөдөг байлаа. Ихэнх бодлууд нь Сатаны шивнэсэн худал хуурмаг үгүүдээр дүүрсэн дэмий бодлууд байсан юм. Муу сүнс намайг, миний бодлоор дамжуулан удирдахыг эрмэлздэг.
Маарх 4:24 “Та нар сонсож байгаа зүйлээ анхаарагтун. Өөрсдийнхөө хэмжүүрийн жишгээр та нар хэмжигдэх болно. Нэмж өгөгдөх ч болно.” Энд Үгний талаар улам ихээр эргэцүүлэн бодож, ингэснээрээ бид улам сайжирч, хүчтэй бас чадварлагаар алхаж чадах тухай өгүүлсэн байна.
Мөн Үгийг улам ихээр дурлан уншиж, анхааран сонссоноор, илчлэлтүүдийг ойлгож, ухаарах чадваруудыг бид хүлээн авах болно.
Махан биеийн тав тух, залхууралтай байдлаар бид Мөнхийн Эзэнээс оновчтой зүйлсийг олж мэдэж чадахгүй ээ. Ийм арга чарга ч гэж байх үгүй.
Зөвхөн Мөнхийн Эзэний Үгэн дээр л зогсож байж, чи хүрэх газраа хүрэх болно.
Мөнхийн Эзэний Үгийг өдөр бүр уншиж, тунгаан бодож, эргэцүүлэн бай! Ингэснээрээ та сэтгэл татам ухаалаг байж, агуу мэдлэг, ур чадварыг Түүнээс хүлээн авах болно!
Хүмүүс бид өөрсдийн өдөр тутмийн харилцаандаа анхаарал тавин, ямар нэгэн байдлаар амжилт гаргахыг хичээдэг. Хамгийн чухал нь хэн нэгнийг өөрийн харилцаан дахь хандлагынхаа төлөө хариуцлага хүлээлгэхгүй байх явдал юм.
Надад байсан нэг сул хандлага юу байсан бэ гэвэл аливаа зүйлд хандахдаа үргэлж сөрөг хандлагатай бодол орж ирдэг байлаа..... Над шиг ийм хүмүүс их байдаг гэж би бодож байна. Та нар дотор ч бас иймэрхүү хандлагтай хүмүүс байгаа гэдэгт би эргэлзэхгүй байна. Бид заримдаа бусдыг ойлгохоосоо илүүтэйгээр шууд сөрөг буюу сул талыг нь түрүүлэн дүгнэлтэндээ оруулан, тэгж бодсон бодолдоо автан тухайн хүнээ зөвхөн нэг өнцгөөс нь дүгнэн харж бүр зүрхэн дотроо тунхагладаг учир бидний хандлага энэ тал дээр харанхуй болж, бусадтай харилцах харилцаа маань эрэмдэг болдог. Гэтэл бид өдөр бүр хэн нэгэнтэй сайхан харилцаатай байхыг хүсдэг, хичээдэг. Гэсэн хэдий ч бидний дотор байгаа зүрх сэтгэлийн хандлагаас болж харилцаанууд маань эрэмдэг зэрэмдэг болж, цаашлаад бусадтай харилцах харилцаанд маань ан цав гардаг. Тэгээд эцэст нь юу гэж хэлдэг вэ гэвэл түүнээс болж асуудал ийм боллоо, тэрний ийм үйдлээс болж би өнөөдөр иймэрхүү амьдарч байна гэж боддог. Гэтэл үнэн хэрэг дээрээ бид өөрсдийн сөрөг хандлага, зуршилаасаа болж асуудлыг хүндрүүлдэг. Заримдаа бидний бодсноос тухайн хүн, ...тухайн асуудал ондоогоор эргэдэг. Энэ нь бид хэрхэн бусдыг сөрөгөөр дүгнэж харж байгааг харуулдаг. Ингэснээсээ болж бидний харилцаан дахь амжилт унсаар байдаг, нурсаар байдаг.
Үүний адил бид Мөнхийн Эзэнтэй харилцах харилцаандаа сөрөг хандлага, буруу зуршилаар хандснаас болж Бүхнийг Захирагч Эзэнтэй харилцах харилцаа маань тогтмол эрүүл байж чаддаггүй нь үнэхээр харамсалтай. Бид Их Эзэний хайрийн илрэл болсон Есүс Христ өчигдөр ч, өнөөдөр ч, ирээдүйд ч хэвээрээ гэдэг (Еврэй 13:8) үгийг цаг үргэлж мартдаг. Тиймдээ ч бид гэмд хальтран унахдаа, эсвэл ямар нэг буруу зүйл хийсэн үедээ, эсвэл урам хугарсан үедээ, эсвэл өөрийн хүслийн дагуу амьдарсныхаа дараа Мөнхийн Эзэнийг хөмсгөө зангидаад чам руу уур хилэнтэйгээр, хэзээ ч уучлашгүй харцаар харж байгаагаар төсөөлөн, айж сандарч Түүнээс холдож эхлэдэг. Гэтэл Мөнхийн Их Эзэн биднийг унах тусам, урам хугарах тусам, ганцаардах тусам, өөрийн амьдралаар зугаалсаар холдох тусам бидний араас нэхэн хөөсөөр, эрэн хайсаар байдаг. (Луух 15:11-32) Тэр биднийг хүлээсээр байдаг. Бидний бодсноос тэс өөр хандлагыг Тэр бидэнд харуулдаг.
Өнөөдрөөс эхлэн хамтдаа өөрсдийнхөө хандлагыг өөрчилцгөөе, сул дорйо муу зуршилуудаасаа салцгаая.
Давид хаан хэлэхдээ (Дуулал 23:13) – Амьдын газарт Эзэний сайн сайхныг харна гэж би итгэсэн. Эзэнийг хүсэн хүлээгтүн. Хүчтэй байж зүрхээ зоригтой болгогтун. Тиймээ, Эзэнийг хүсэн хүлээгтүн! гэжээ. Давидын “Миний амьдралд сайн сайхан тохиолдох болно” гэсэн итгэл найдвар нь хэзээ ч унтарч байгаагүй. Тэр гэмд унах үедээ Их Эзнээс зуураастай байсан, ганцаардан гашуудаж байхдаа Их Эзэнээс зуураастай байсан, баяр хөөртэй байх үедээ Их Эзэнээс зуураастай байсан, үхлийн эрмэг дээр ирэх үедээ Их Эзэнээс зуураастай байсан. Тиймдээ ч түүний нэр библи дэх баатаруудын нэрээр бичигдэн үлдэж, бидний үлгэр дуурайлал болсоор байна.
Амьдрал дахь асуудалтай, асуудалгүй ямар ч үед зөвхөн түүнд найдаж, түүнтэй харилцах харилцаагаа эрүүл авч явцгаая! Амен...
Залхуурал гэдэг манай нийгмийн болон Монголчууд бидний бусд үндэстнүүдээс ялгарах онцлог юм уу даа, мөн залхуурал нь үндэстний гамшиг гэмээр.
Хүний амьдрал дахь бараг л бүх гай гамшиг, бүтэлгүйтэл энэ бүхэн зөвхөн их бага хэмжээний залхууралаас үүсэлтэй гэлтэй.
Хүмүүс бид чинь АМРАХ-ын төлөө бүтээгдсэн юм шиг л аашилцгаадаг. Ням гаригын орой хүн бүр л “Ёох, маргааш яаж ажилдаа явна даа” гэж шүүрс алдацгаана. Даваа гаригт ажил дээрээ цугларцгаасан бид өглөөнөө өдрийн цай хүртэл өнгөрсөн амралтын өдөрт юу хийж, хэнтэй уулзаж, юу идэж уусан, дэлгүүр хэсээд таалагдах юм байгаагаагүй, байсан гээл хэрэгтэй хэрэггүй олон зүйлсийн тухай хөрш ширээнийхэнтэйгээ эсвэл чат дахь хэн нэгэнтэй ярьсаар байтал хагас өдрийг өнгөрөөнө дөө. Үдээс хойш нь өөрт хэрэгцээтэй зүйлсийг хийцгээнэ. Хэн нэгний гуйлтыг гүйцэлдүүлэхээр ажлын газрынхаа CANON-ийг ашиглах, компьютерт шивэх, мэдээлэл НЭТ-ээс татах гэх мэт хувьсгалд хэрэгцээтэй зүйлийг багахан цагт амжуулж, хувийн хэрэгцээгээ хангацгаагаад нэг их ажил хийсэн, ядарсан туйлдсан нөхөд гэр гэрийг зүг тарцгаадаг нь үгүй гэж үү!
Энэ ЗАЛХУУРАЛ ба ЗАЛИЛАН биш гэж үү?!
