But they that wait upon the LORD
shall renew their strength;
they shall soar with wings as an eagle;
they shall run, and not grow weary;
and they shall walk, and not faint.

.

Isaiah 40:31

Let's dance with Wolf!

Матай 10:16

Харагтун. Би та нарыг сүрэг чонон дундах хонь мэт илгээж байна. Тиймээс та нар могой шиг хурц ухаантай, тагтаа шиг гэмгүй бай.

Дээрх ишлэлийг харвал Ертөнцийн Эзэн биднийг сүрэг чонон дундах ганц хонь мэт байдалд орох болно гэдгийг хэлж байна.

Ертөнцийн Эзэний хэлсний дагуу та хонь.

Харин цаана чинь чонон сүрэг байгаа гэдгийг сануулж байна.

Есүс Христ өөрийгөө сайн хоньчин гэдэг, тэгвэл та магадгүй гайхах байх. Сайн хоньчин яагаад хоньдоо сүрэг чонон дунд оруулна гэж...

Ертөнцийн Эзэн үүнийг албаар зөвшөөрсөн юм.

Дээрх ишлэлийн хонь нь Есүст итгэдэг хүмүүсийг, чоно нь Есүс Христийн сургаалийг гуйвуулж байгаа хүмүүсийг хонины арьс нөмөрсөн чоно мэт төсөөлөн төлөөлүүлсэн юм.

- Матай 7:15

Тэдгээр чононууд хаана ч байж болдог.

Чоно гэдэг нь яг нэг юмаа хийнэ гэж зорьж, түүнийхээ төлөө юуг ч хийхэд бэлэн, хэнийг ч золиослоход бэлэн бусдыг боддоггүй тийм хүнийг хэлж байна. Чоно зөвхөн өөрийгөө л боддог.

- Үйл явдал 20:29-30

Чонын зан чанар нь:

- Худлаа ярьдаг.

- Хоёр нүүр гаргадаг

- Доль үсэрдэг

- Мундаг болж жүжиглэдэг

Тиймээс Ертөнцийн Эзэн сануулж байна.

Ийм байдалд чи ганцаараа орвол:

1. Могой шиг бай

Могой бол хамгийн заль мэхтэй, бүх амьтдын дундаас хамгийн ухаантай нь юм.

- Эхлэл 3:1

Могой өөрөө аюулаас үргэлж болгоомжилж явдаг. Бүх төрлийн могой тэгэж явдаг.

Грек хэлэнд мэргэн ухааныг 3 янзаар хэлдэг.

1. Хамгийн дээд, дээд төвшний мэргэн ухаан. Үүнийг энэтхэгийн хиндү шашинд могойн дотох орох гэж хэлдэг.

2. Еврей хэлэнд мэргэн ухааны эхлэл бол Ертөнцийн Эзэнтэй дөхөж очих

3. Маш их мэдлэг боловсролтой, маш хурдтай, маш тоочны, яг байгаа олсон гэж үздэг бөгөөд бүх юм нь яв цав, хашир, болгоомжтой, сэмээрхэн, хянамгай гэсэн үгүүдийг могой шиг гэж илэрхийлсэн байдаг. энэ 3 дахь үгийг Матай 10:16-д хэрэглэсэн байна.

Бид чононы дунд байна. Тиймээс бид могой шиг маш хурдтай, хянамгай, болгоомжтой, байгаа онодог байх ёстой учраас Ертөнцийн Эзэн тэгэж хэлжээ.

Улс оронд өөрчлөлтийг авчрахын тулд бид арслан, бүргэд, могой шиг болох ёстой гэдгийг зааж байна.

Бид ямарч цаг хугацаанд өөр дээрээ анхаарлаа тавих ёсгүй. Маш ухаантай байх ёстой.

Анхны эмэгтэйд адгийн муу ёрын сүнс могой болж ирсэн. Адгийн муу ёрын сүнс өөрөөрөө болж ирээгүй, бас шууд шалж асуугаагүй юм шүү.

- Луух 16:1-13

Энэ ишлэл дээр нэгэн түүх гардаг бөгөөд Есүс Христ хэлэхдээ та нар энэ дэлхий дээр байхдаа яг дээрх ишлэлийн зарц шиг бай. Сайн юм хийхдээ 3 биш 5 нүүдлийн дарааг харж амьдар гэсэн.

Тиймээс бид сайн үйлсийн төлөө могой шиг байх хэрэгтэй.

2. Тагтаа шиг бай.

Та могой шиг мөртлөө, яг тэр үедээ тагтаа шиг бай гэдгийг Ертөнцийн Эзэн сануулж байна.

Тагтаа шиг гэдэг нь гэмгүй, цэвэр ариун байхыг хэлж байна.

Могой шиг хэдэн нүүдлийн дарааг харж байгаа мөртлөө тагтаа шиг ариун бай.

Жишээ нь та ухаантай, хянамгай, хурдан байхдаа танд ямар нэг ашиг олох зүйл гарч ирвэл тэр үедээ хүртэл ариун байхыг хэлж байна.

- Филипой 2:15

Цэвэр ариун сэтгэлтэй байхын тулд

1. Шулуун шудрага, Цэвэр ариун

2. Чин сэтгэлийн хайртай байх ёстой.

Хэн нэгнийг шудрага бус гэж бухимдахаасаа илүүгээр та өөрөө шулуун шудрага бай.

Библийн сургаалт үгс номноос та хэрхэн шудрага байхыг мэдэж болох юм.

Шудрага хүн хэзээд шудрага байдаг.

Тагтаа ямарч оронд, ямарч цаг хугацаанд цэвэр ариун, шудрага байхыг бэлэгддэг.

Та хайраараа шудрага бай.

Чин сэтгэлийн хайртай бай.

Нөхдөө өөрийн адил хайрла.

Дайснаа ч мөн адил хайрла.

Чонон сүргийн чонодыг ч бас хайрла.

Библийн итгэлийн баатар Пууль 1 удаа чоно байсан. Гэхдээ тэр чоно нэг өдөр Есүст итгэсэн. Тиймээс чононуудыг хийдэг бүгдийг мэддэг учраас сайн хоньчин болсон юм.

Есүс Христ хүртэл чонотой 3 жил хамт амьдарсан.Тэр чоно нэг сарын цалингаар Есүс Христийг барьж өгсөн юм.

Тэр загалмайд Есүс Христийг хүн болгон шоолж байсан, тэгсэн ч Есүс тэр хүмүүсийг уучлахыг Ааваасаа гуйж байсан юм. Энэ нь Есүс тагтаа байсныг илэрхийлж байна.

- Филипой 2:6-11

Есүсийн хандлага байнга могой шиг байсан, тэр үедээ тагтаа шиг бас байж чадсан.

Есүс Христ өөрт нь итгэх хүмүүсийн төлөө хүртэл загалмайд хадуулсан юм.

Энэ хариуцлага бол та биднийх.

Та Ертөнцийн Эзэнээс могой шиг ухаан, тагтаа шиг ариун байхыг гуйгаарай.

Гуйлтын тухай

Амьдрал салхи шуургатай байсан ч, тогтуун байсан ч бид амар тайван болтол нь гуйсаар байх хэрэгтэй. Филипой 4:6-9

Хариу ирэн иртэл нь гуйсаар бай. Луух 18: 1

Христийг ирэн иртэл нь гуйсаар бай. Иоган 6:21 – Хариулт нь Христ бидний амьдралд орж иртэл, бидэнтэй хамт байх хүртэл нь гуйгаад бай.

Ариун Сүнс ирэн иртэл гуйсаар бай. Үйл явдал 1:8

Бид гуйсаар байх хэрэгтэй. Луух 6:29 – Бид Христэд итгэлийнхээ үндэс суурийг тавихгүй байснаараа шашинлаг хэлбэрт орчихдог.

Гуйлт нь Мөнхийн Эзэнд найдах нэгэн илэрхийлэл юм. Хэрэв чи гуйлтыг хүлээн зөвшөөрч байгаа бол Мөнхийн Эзэн бас хүлээн зөвшөөрнө гэсэн үгээ.

Ариун Сүнс бороо мэт асгартал бид гуйсаар байх хэрэгтэй – Елигаах

Ариун Сүнс гэрэл мэт гэрэлттэл нь бид гуйсаар байх хэрэгтэй. Елиша, Мөнхийн Эзэний гар хүрээлэн авсан шиг.

бид зөв хандлагатай болон болтолоо гуйсаар байх хэрэгтэй. Филипой 2:5

Гуйлт нь Ариун Сүнснээс ирэх амьдрал бэлэглэгч гэдэгт итгэх хэрэгтэй

Мөнхийн Эзэн бол Бүтээгч. Тиймээс Тэр биднийг дуулгавартай бүтээл нь байж, Түүний заавараар удирдуулахыг хүсдэг. Romans 4:17, 18 Мөнхийн Эзэн биднийг өөртэйгээ хамт байлгахыг хүсдэг.

Авраахам хүүтэй болохыг төлөө гуйж байсан.

Христ бидний итгэлийн гуйлтын ард мөнхийн улсад зогсож байдаг. Еврей 3:1

Гуйлтаар дамжуулан ямар нэг зүйл өрнөдөг гэдэгт итгэ. – Мөшэх Улаан тэнгис өмнө зогсож байхад ард нь Египетийн арми ирж явсан. Чөлөөлөгдсөн 14:15 "Мөнхийн Эзэн Мөшэхэд, - Яагаад чи над руу хашгирахгүй байна? Израйлийн хөвгүүдэд хэл урагшаа алхаад бай, яваад бай гэж хэл – хэмээн хэлэв"

Хэрэв амьдрал чамайг сөхрүүлж байгаа бол
энэ нь гуйж, залбирах
байрлал биш гэж үү!

Marty Sampson

1978 оны 5 сарын 31 төрсөн тэрээр христчин ая зохиогч, Австралийн Сидней дэх
Hillsong сүмийн магтан дууны удирдагч.
1990 онд Youth Alive альбомноос хойш
Hillsong United–ын багт
магтан дууны удирдагчаар тодорхойлогдох болжээ.

Тэрээр 2006 онд
Michelle гэрлэсэн ба
Phoenix гэдэг хүүтэй ажээ.

Joel Houston–той
(Hillsong сүмийн тэргүүн пастор Brian Houston–ы нэг хүү нь) хамтран United–д магтан дуу удирддаг байсан боловч
2007 онд All of the Above альмон гаргасныхаа дараа буюу гэрсэнээсээ хойш United–аас гарч
Hillsong сүмийнхээ багт магтан дууны удирдагч
Darlene Zschech, Reuben Morgan
нартаа хамтран ажиллах болжээ.

Marty Sampson ээжийнхээ хамт

24\7

Маш их ажилтай байгаа болохоор ойрд сүмдээ ч явах завгүй болчоод байдаг. Нэг талаараа их харамсалтай байгаа ч өдөр бүр аль болох Их Эзэнийхээ Үгээр амьдраад байх санаатай, хичээж л байна. Өнөөдөр Конг Хий пасторын сургаалийг сонсож суулаа.

Товчилвоос: Чиний амьдрал ГЭРЧЛЭЛ байх ёстой гэлээ.

Мөнхийн Эзэн чамайг байгаа газраа хамгийн сайн, амжилттай байхыг итгэж найдан хүлээж байдаг. Албан газраа, бизнесийн байгууллагатаа, анги хамт олон дотроо хамгийн сайн нь, хамгийн амжилттай байгаасаа гэж Тэрээр чамд итгэж найдан хүлээж байдаг. Найз минь, магадгүй чи сүмд ирээд эдгээр зүйлсээс сурахыг хүсэлгүйгээр зүгээр л надад хайр, амар тайван, баяр хөөр хэрэгтэй гэж бодож байгаа бол андуурч байна. Зөвхөн сүмийн амьдрал дунд хичээж амьдрах биш харин даваа гарагаас баасан гараг хүртэл яаж амьдарч байгаагаа эрэгцүүлэн бодож, зөв амьдарсан нь дээр. Энэ нь Мөнхийн Эзэний Хаант улсад асар чухал хөрөнгө оруулалт юм. Та зөвхөн сүм дээрх хоёрхон цагт хичээж амьдрана гэсэн үг биш ээ. Харин таны ХРИСТЧИН АМЬДРАЛ–24\7 буюу долоо хоногийн 24 цагын турш таны амьдралын гэрчлэл үргэлжлэх хэрэгтэй байна.

Нөхрийн минь заасан сургаалаас...

Түлхүүр ишлэл: Еврейчүүд 11:6

Та үнэхээр Ертөнцийн Эзэнд таалагдахыг хүсэж байна уу?

Таны зүгээс юу хийвэл Ертөнцийн Эзэнд таалагдах бол?

- ядуу хүмүүст туслах уу

- эсвэл золиос гаргах уу

- бараг л хичээн ариун амьдрах уу

- буян үйлдэх үү

- шудрага амьдрах уу

- бүр эсвэл юу ч хийхгүй гэртээ байгаад л байхуу ................

Тэгвэл Есүст итгэдэг хүмүүсээс илүү ядуучуудад тусладаг хүмүүс, бас шудрага, буян үйлддэг хүмүүс зөндөө л байдаг ш дээ. Тэднээс бид илүү гарч чадахгүй юм чинь таалагдахгүй юм биш үү?

Тэгвэл библид хэлэхдээ: "Чи итгэлтэй байвал Ертөнцийн Эзэнд таалагдах болно" гэжийнэ.

Ром 14:23
Пууль хэлэхдээ: "Итгэлээс ирэхгүй байгаа бүх зүйл гэмд тооцогдох болно."

Итгэлтэйгээр хийсэн бүх, ... бүх зүйл түүнд таалагдах болно.

Та өөрийнхөө тухай сайтар бодох хэрэгтэй. Миний өнгөрсөн хугацаанд хийж байсан зүйлүүд минь итгэлээр хийгд лүү гэж бодох хэрэгтэй.

Яагаад итгэлтэй байвал Түүнд таалагдана гэж бодож байна уу? Тийм бол энэ талаар 3 хэсгээр тайлбарлая.

Итгэл нь:

1. Ертөнцийн Эзэний байгаа чанар дээр үндэслэн амьдрах

Нэг ёсондоо Ертөнцийн Эзэнийг байгаа гэдэгт итгэх явдал юм.Ингэхийн тулд Түүний мөн чанарыг мэдэх хэрэгтэй болно.

Бид ихэнхдээ Ертөнцийн Эзэнийг байгаа гэдгийг мартдаг. Энэ үедээ хийсэн бүх зүйл алдаа юм. Алдаа гэдэг нь Ертөнцийн Эзэнийг байхгүй гэж итгээд хийсэн зүйл юм.

- худлаа хэлчихсэн

- хулгаа хийчихсэн

- аргаа бараад үг муруйгаад

- дургүй хүрээд цохиод авсийн гэх мэт үйлдлүүдийг бид хийхдээ Ертөнцийн Эзэнийг байгаа гэдгийг аль хэдийн мартсан байх жишээтэй.

Алдаа гаргахдаа бид Ертөнцийн Эзэнийг байгаа гэдэгт эргэлзэж, мартчихсан байдаг.

Мөнхийн Эзэн бүхнийг хийдэг. Хүсвэл тэр бүхнийг алмайруулж, гайхшируулж чадна. Мөнхийн Их Эзэн биднийг бүтээсэн юм.

Тэр ч байтугай Мөнхийн Эзэний хүсэл цагт адгийн муу ёрын сүнс хүртэл юу ч хийж чадахгүй. Ингээд харахын бол муу ёрын сүнс хүртэл түүний зарц болж, удирдамж доор нь л ажиллаж чаддаг.

Түүнийг хэн ч хараагүй боловч Тэр оршин байдаг. Тэрээр бодит Нэгэн.

Яг л салхитай адил. Та салхийг хараагүй болов ч байгаа гэдгийг мэддэг. Хэн салхийг байхгүй гэж хэлж чадах билээ.

Ертөнцийн Мөнхийн Эзэн хэний ч хийж чадахгүй зүйлийг хийж чадна.

Библид хэлэхдээ бүх зүйл Ертөнцийн Эзэнийх гэсэн нь бид үүн дээр л үндэслэн амьдрах нь зайлшгүй зүйтэй юм.

Тэрээр оршин байдаг бөгөөд Шагнагч гэдэгт Итгэх хэрэгтэй.

Түүний шагнал нь:

- Энэрэл хайр

- Амар тайван

- Найдвар

- Баяр хөөр

- Хэзээ ч ганхашгүй бат бөх байдал

Ертөнцийн Эзэнээс ирсэн болгон сайн зүйл байдаг.

Ертөнцийн Эзэн бүхнийг удирдаж, захирдаг гэдгийг мэдэхгүйгээр итгэх нь утгагүй юм.

Итгэл бол мэдрэмж биш.

Сэтгэлийн хөдөлгөөн ч биш

Ертөнцийн Эзэн хэн бэ гэдэгт зөвхөн итгэ, мэдрэх шаардлагагүй.

Олон хүмүүс ямар нэг зүйлийг сэтгэл хөдлөлийнхөө үйлдэлийг хангах гэж янз бүрийн зүйлээс хайдаг. Жишээлбэл хар тамхи, архи, тамхи, бэлгийн амьдрал, ямар нэг эд баялаг гэх мэт....

Харин мэдрэмж бол итгэл биш!

Итгэл бол үйлдэл

Би итгэж байна гэж хүчилж бодох биш. Та итгэж байгаа бол танаас үйлдэл гарах л болно.

Итгэл бол библийн дагуу өдөр болгон итгэлээр амьд байхыг хэлнэ. Өдөр болгон, цаг минуд тутамд итгэлээрээ амьд байх юм.

Хэрэв та Итгэлгүй бол Ертөнцийн Эзэнд таалагдахгүй юм.

Тэр бол Хаан, цорын ганц Эзэн Хаан.

Түүнд амь, амьдралаараа найдан итгэхийг итгэл гэнэ.

2. Итгэл бол Түүний хүч чадал

Түүний хүч чадал дээр бид алхаж амьдрах хэрэгтэй. Ертөнцийн Эзэнд бүх юм боломжтой. Гэвч та хувьд та үргэлж ингэж боддог уу?

Ертөнцийн Эзэний хүч чадалд найдахгүй бол энэ бүхэн боломжгүй юм.

Агаар харагддаггүй гэхдээ бидэнд амьдрах хүчийг өгдөг. Агааргүй бол бид үхнэ. Үүнтэй утга адил Түүний хүч чадалд итгэ.

Хэзээ ч хараагүй зүйлээ харсан тэр итгэлээрээ бид хийх хэрэгтэй

Ертөнцийн Эзэн бүх зүйлийг чадна. Яагаад гэвэл Тэр ер бусын Их Эзэн.

Иоган 14р бүлэгт "гайхамшигийг бүтээнэ,
Та нарт боломжгүй зүйл гэж юу ч байхгүй болно" гэж хэлсэн.

Хүн нэг бүр итгэлээрээ гайхамшиг хийх ёстой. Та Ертөнцийн Эзэнээс итгэлээрээ гуйн хийх нь чухал.

1 Кор 5:7

Итгэлээрээ алхана гэдэг нь
боломжгүй зүйлийг боломжтой болгон харан үйлдэхийг хэлнэ.

Итгэл бол Ертөнцийн Эзэний хүч чадалт тулгуурлан амьдрахыг хэлнэ.

3. Итгэл бол Ертөнцийн Эзэний зорилгын төлөө амьдрах

Ертөнцийн Эзэний чамд өгсөн төлөвлөгөө бий. Ертөнцийн Эзэн ер бусын хүч чадалтай Их Эзэн чамд зориулан зорилго өгсөн бол ер бусын аргаар л түүнийг бий болгох болно.

Үүнийг итгэлээрээ л хийнэ гэсэн үг юм.

Бид хэзээ ч ухарч, хойшоогоо харж болохгүй. Бид үргэж шинэ зүйлийг гуйх хэрэгтэй.

Еврейчүүд 11:1

Итгэнэ гэдэг нь хожим авах зүйлдээ бат итгэн найдах юм.

Энэ нь бүүр хэзээ хойно авах зүйл биш, удахгүй авах, болох зүйл юм.

Итгэл бол авах юмандаа найдах.

Энэ нь мөрөөдөх гэсэн үг. Итгэлээрээ мөрөөдөх гэсэн үг.

Та хүнд яагаад мөрөөдөл байдаг гэж боддог вэ? Ертөнцийн Эзэн таныг итгэлээр чинь үйлдэл хийлгэхийн тулд танд мөрөөдлийг өгсөн юм.

Мөрөөдөхөд мөнгө төлөхгүй биш. Үнэхээр мөрөөдөл биелдэг учраас Ертөнцийн Эзэн анх хүн төрөлхтнийг бүтээхдээ мөрөөдлийг өгсөн юм.

Таны нөхцөл байдал ямар байх нь Ертөнцийн Эзэнд огтхон ч хамаагүй та Ертөнцийн Эзэний хүч чадалд итгэсэн итгэлээрээ л үйлдвэл бүх зүйлийг Ертөнцийн Эзэн таны өмнө боломжтой болгоно.

Тиймээс бүгдээрээ одооноос эхлэн мөрөөдөж эхлэе.

Итгэлгүй бол Ертөнцийн Эзэнд таалагдахгүй, тиймээс Ертөнцийн Эзэнд таалагдцгаая.

Итгэлтэй болцгооё