Ням гаргийн сургаалаас

Хүнд хэцүү үед бид хэрхэн Мөнхийн Эзэний төлөө бат зогсох вэ.

Даниелын түүхийг харвал там болчихсон гутамшиг болсон амьдралтай байсан. Есүсээс 500 жилийн өмнө амьдарч байсан. Вавилион хаант улс маш хүчирхэг, Израйльд орж ирсэн. Энэ үед Израйль 2 хуваагдчихсан байсан. Өмнөд Израйльчууд өөрийн Ирусалим хотын төвд Ертөнцийн Эзэний сүм байгаа тул бид нар хойд Израйлчууд шиг Вавилиончуудад дийлдэж олзлогдохгүй байх гэж шашинлаг бодолдоо найдаж байсан. Гэсэн ч Вавилиончууд дайран орж ирээд сүмийнх нь юмыг тонож, өөрсдийн бурхаддаа ашиглан, тэднийг боол болгож гав гинж зүүлгэн эзлэн түрэмгийлж Израйл улс устсан түүхтэй.

Та боддоо Монгол улсын түүхэнд ийм зүйл болж Монгол улс эзгүйрч байсангүй. Даниел мэтийн мэдлэгтэй хүмүүсийг өөртөө үйлчлүүлэхээр хаан нь өөрийн албатаа болгосон боловч хаан нь Ертөнцийн Эзэнийг хүндэлдэггүй, өөрийн бурханаа хүндлүүлж үйлчлүүлэхээр 3 найзынх нь хамт ашигладаг.

Анх Даниел 17, 18 настай байсан гэж судлаачид үздэг. Номоо бичих үедээ 60 гаран настай байжээ. Тэрээр 4 хааны нүүр үзсэн.

Даниел номын эхний 6 бүлэг нь өөрийнх нь амьдралын тухай. Дараах 6 бүлэг нь ирээдүйн тухай түүнийг ашиглаж бичүүлсэн Ертөнцийн Эзэний зөгнөлүүд болно.

1. Ертөнцийн Эзэн бүхнийг чадагч эрх мэдэлтэй гэдэгт найдаж сурах. Ингэж найдаж сурах үед амар тайван орж ирдэг. Харин чадахгүй бол маш ихээр санаа зовдог. /Даниел 1:3 – 5/

Тэд нарыг сонгож аваад Тайганы тэргүүнээр тэд нарт бурханд өргүүлсэн хоол өгүүлэхэд Даниел хааныг хэдий харгис хэрцгий гэдгийг мэдсэн хэдий ч идэхээс татгалздаг. Тайганд хэлэхдээ: 10 хоногын дараа бид идэхгүйгээр сайн тарган цатгалан, яг л бусад хааны өгсөн хоолыг идсэн хүмүүс мэт харагдах болно гэж Ертөнцийн Эзэндээ бат найдан хэлдэг. Үнэхээр Ертөнцийн Эзэнд ямар их хүнд нөхцөл дундуур авч явсан ч хир их найдсаар байгааг харна.

Дуулал номонд суурь нурах үед ариун хүн яах вэ гэж байдаг. Ертөнцийн Эзэнд л бат найдаж сурах.

2. Ертөнцийн Эзэний хүмүүст үйлчилэх. Бусдад үйлчилэх үед бусдад хир их чухал хүн бэ гэдгээ мэдэх болно. Үүгээрээ бид Ертөнцийн Эзэний өмнө бат зогсч чадна. Ертөнцийн Эзэн үнэхээр бууж өгөх дургүй.

Хаан тэд нарын нэрийг хүртэл сольсон. Даниелд Балл бурханы эхнэр таныг хамгаалах болтугай, бусад найз нарт нь би аймхай, би бузартлагдлаа гэх мэт нэр тэдэнд өгсөн. Түүнийг илбэчид, мэргэдийн дарга нь болгосон. Хэдий тэгж доромжлогдож байсан хэдий ч Ертөнцийн Эзэнд бта найдсаар байсан.

3. Хэцүү үед Ертөнцийн Эзэний үгийг барин зогсох хэрэгтэй.

- Нэг ёсондоо Ертөнцийн Эзэнийг тулж зогсоно гэсэн үг.

- Амьдралдаа Ертөнцийн Эзэний үгийг шалгаж үзнэ гэсэн үг.

- Мөн дуулгавартай хүлээнэ гэсэнүг.

Даниел хааны хоолноос татгалзахдаа түүнд баталгаа байгаагүй. Хүсвэл 10 хоногын дараа Ертөнцийн Эзэн намайг алвал алаг, амьдруулбал тэр биз хэмээн Ертөнцийн Эзэний үгийг бат барин зогсч байсан. Үнэхээр тэр 10 хоногын дараа амьд үлдсэн.

Хаан мөн түүнийг арслангын агуйд хүртэл хийгээд тэр амьд үлдэж байсан.

Тэр хэзээ ч Ертөнцийн Эзэн агуу хэмээн ярьж байгаагүй ч хаад ноёд үхэхдээ Даниелын Ертөнцийн Эзэн үнэхээр агуу хэмээж байжээ.

Тиймээс та Ертөнцийн Эзэний үгэнд хэрхэн хандаж байгааг хараарай. Ертөнцийн Эзэний үгэн дээр хэлснээр түүнийг шалгаад үз, түүнд найдаад үз. Өөртөө хэрэгтэй үгээр л та Ертөнцийн Эзэнийг дагаж байна уу гэдгээ шалгаарай.

Яг Даниел Ертөнцийн Эзэний үгэн дээр бат зогссон шиг байгаарай гэж хүсч байна.