Хятадын төлөөх гуйлт!

Өнгөрсөн бүтэн-сайн өдрийн баярын цуглаан дээр Хятадад болж байгаа гамшигт тусламж болгон өргөл авсан билээ.

Хамтдаа Хятад улсын төлөө Их Эзэнээсээ гуйцгаая!

Хайрт нөхрийн минь хуваалцсан үгнээс...

Ойрд зав муутай байсан болохоор blog-доо цаг гаргаж амжсангүй ээ. Гэхдээ их юм сурч, мэдэж, ойлгожаагаадаа маш их сэтгэл хангалуун байна өө.

Өнөөдөр нөхөр маань нэгэн зүйлийн талаар хуваалцлаа. Энэ нь бидний зүрхийг маш их хөдөлгөж, улам ихээр Мөнхийн Эзэн рүүгээ тэмүүлэх урам зориг оруулж, тэгээд бид хамтдаа гуйлтаа хийцгээсэн.

Нөхөр маань сурсан зүйлээсээ хуваалцсан тэр хэсэгхээн үгнээс энд бичье, тэгээд бас би өөрөө юу ойлгож, сурсанаа бас буулгая гэж бодоол.

"Христчин байна гэдэг нь уучлашгүйг уучилна гэсэн үг ээ!"

C. S. Lewis

C. S. Lewis - Wikipedia, the free encyclopedia

Хэдийгээр бид Есүст итгэдэг ч гэлээ зарим үед "уучилна" гэдэг шал мунхаг асуудал юм шиг болж хувирдаг. Гэтэл библи дэх "нөхдөө өөрийн адил хайрла!" гэдэг үгийг C. S. Lewis хатууханаар хэлээд авсан байхиймаа. Эргэлзэх юмгүйгээр шууд л уучилна гэж шийдэх ёстой боловч харамсалтай нь уучлая гэдэг ухамсарт маань цаг хугацаа хэрэгтэй байдаг юм шигээ. Учир нь бид "Христийн нэр дээр эв нэгдэлтэй" гэж хэлэх мөртлөө маргалдан-муудалцаж, маажилцаж-дайсагналцаж, өширхөн-хорсох нь дэндүү эмэгнэлтэй, бас харамсалтай, гашуудмаар юм байна, үнэндээ.

Бас нэг зүйлийг би энд чухалчлан бичиж, хүлцэл өчмөөрайна.

Юу гэвэл: Би гэдэг хүн зарим үед бодохоосоо ярих нь ихтэй хүн л дээ. (Энэ тал дээрээ би их хичээж ажиллажаагаа, нээрэн шүү.) Тэгж яваад хэн нэгэнд гутамшигтай, харамсмаар энэ асуудлыг сэтгэл зүрх, сүнсэнд нь бий болгосон бол чин сэтгэлээсээ уучлалт гуймаарайнаа.

Мөн би хүн бүрийг нэгэн зүйлд уриалахыг хүсжийна.

Бүгдээрээ бие бие рүүгээ эсвэл өөр өөрсөд рүүгээ чулуу шидэж, Их Эзэнийхээ бухимдлийг хүргэлгүйгээр амар жимэр, өөр өөрсдийн итгэлийн амьдралын төлөө амьдарч, тэмцэцгээвэл ямар вэ?!.. гэж ...

Яг л бидний аврагч Христ Есүс шиг л хайраар хандаж, бие биенийхээ төлөө сайн сайхныг гуйцгаая!

"Өөртөө муу юм хийж доромжилсон хүнээс хариу өшөө авч үл болно.

Харин ч Түүнд сайн байж, тэр хүний төлөө Ертөнцийн Эзэнээс сайн юм гуйж өг"

1Петр 3:9

Ойрд амьдрал минь нэг иймэрхүү зүйлээр л амьсгалаад байна даа, хүмүүс минь.

Их Эзэн та бүгдийг ивээх болтугай!

Өнөөдөр нэг амттайхан шоколад идэхээр цаасыг нь задалтал,
их сонирхол татсан үгс бичигдсэн байлаа.

Make a list of your Dream!

Ариун чанар

• Мөнхийн Эзэн тушаасан.

"Би аливаа муу хүслээс ангид орших туйлын ариун чанартай учраас та нар бас ийм байхтун!"

1 Петр 1:16

• Мөнхийн Эзэн хангадаг.

"Ертөнцийн Эзэн бидэнд хязгааргүй хайр ивээлээ үзүүлж, Есүс Христээр дамжуулан өөрийн хүүхдүүд болгохоо бас шийджээ. Ертөнцийн Эзэн хайрт хүүгээ өгөхдөө бидэнд хир зэрэг хайртай болохоо хайртай болохоо харуулсан билээ."

Эфэс 1:5

• Мөнхийн Эзэн урамшуулдаг.

"... Ертөнцийн Эзэний хүчээр сэтгэл санаагаа цоо шинэ болгон, Түүний зан чанарыг хүлээн авчээ. Энэ бол Ертөнцийн Эзэний адил цэвэр ариун, үнэнч шудрага байна гэсэн үг ээ."

Эфэс 4:24

"Ааваа, Та намайг илгээснээ хүн төрөлхтөнд харуулъя гэвэл бидний хоорондох бат нэгдлийг энэ хүмүүсийн дунд бий болгооч. Тэгвэл тэд бидэнтэй нэгдэж чадна.Үүний тулд Таны өгсөн яруу алдрыг би тэдэнд дамжуулж өгнө"

Иоган 17:21

Ажилсаг тэр бүсгүй хүлээсэн үүргээ биелүүлж,

юм бүхэнд санаа тавин чармайна.

Сургаал Үгс 31:17

Иоганы бичсэн өгүүлэг дээрх Есүс гэж хэн бэ?

16:1 Есүс биднийг бүдрэхээс хамгаалж, Үгээ хэлсэн.

16:5 Есүс өөрийг иь илгээсэн Эцэг рүүгээ явна.

16:7 Есүс явж, Түүний Туслагч (Ариун Сүнс) бидэнтэй үлдснээр бидэнд тустай.

16:15 Ертөнцийн Эзэн Эцгийн гэх бүх зүйлс Христ Есүсийнх.

16:27 Бид Есүст хайртай учраас Түүний Эцэг нь бидэнд хайртай.

16:30 Есүс бүхнийг мэддэг.

16:33 Есүс дотор бид амар тайван байх болно. Учир нь Есүс дэлхийг ялсан.

Ням гаргийн сургаалаас...

"Сонсогтун! Үүдийг чинь тогшиж байгаа хүн бол би билээ. Гэрт байгаа хүн гадаах хүний дууг сонсоод хаалгаа онгойлгон оруулж, хамт хооллож, сайн нөхөд болно. Үүний адил би та нарын амьдралд орохыг хүсэж, хаалгыг чинь тогшиж байна. Та нар намайг өөрсдийн амьдралд оруулбал бид бие биенээ сайн мэдэх болно.

Үзэгдэл 3:20

Есүс Христэд чин зүрхнээсээ итгэдэг, зүрх сэтгэлдээ болон амьдралдаа оруулсан хүн ямар ч үед Түүнд үнэнч, хайртай хэвээрээ байдаг. Дэлхийн хоёрдугаар дайны дараах үеийн Румын болон бусад коммунист улс орон дахь Христэд итгэлт хүмүүсийн хэрхэн зовж, хавчигдан, Есүс Христэд туйлын үнэнч, хайртай байснаа харуулсаар байсан түүхийн тухай пастор хуваалцлаа.

Үүнээс жишээ татахад: "Румыны Христэд итгэгчдийн бүлгийн ахлагч Флореску гэдэг залууг коммунистууд итгэлээс нь болж, мөн бусад итгэлийн ах, эгч, дүү нараа хаана нуугдаж байгааг илчлэхийг тулган шаардаж, төмөр хадаас улайсган хатгаж, зоож, хайрах гэх мэт аймшигтайгаар тарчлаасныхаа дараа цусандаа хутгалдсан түүнийг харанхуй, хуйтэн өрөөнд бөөн өлсгөлөн хархнуудын дунд хаяжээ. Флореску харханд идүүлчихгүйн тулд бүхэл бүтэн хоёр долоо хоног нойргүй арай ядан өөрийгөө хамгаалахыг оролдож байлаа. Үүний дараа коммунистуудын ажилгаа дууссангүй, түүнийг тарчлаах өрөөнд буцаан авчирч, ахин зодож тамласан боловч тэрээр итгэлээсээ урвахгүйлгүйгээр нэг ч үг хэлээгүйд нь коммунистууд бухимдаж, уурлан, түүний 14 настай хүүг авчирч, Флорескугийн нүдэн дээр зодож, ороолгон, тамлаж гарчээ. Хүүгээ хэрхэн орилж, цус нь сад тавин урсаж байгааг харсан Флореску хүүдээ хандан "Александр хүү минь, надад тэдний хүсч байгааг хэлэхээс өөр арга алга, чамайг зодуулахыг тэсч чадахгүй нь" гэж хэлэхэд хүү нь "Ааваа, Та тийм харгис юм битгий хийгээч, Урвагч эцэгтэй гэсэн шившигтэй нэрийг надад зүүлгэх гэж бүү оролд. Тэвч, тэд намайг алсан ч хамаагүй, би тэртэй тэргүй Есүс Их Эзэндээ үнэнч байсаар үхнэ:" гэж хариулан, зодуулсаар байгаад нас баржээ..." ("Итгэлийн Үнэ Цэнэ" номоос)

Есүс Христ бидний зүрх сэтгэлийг хаалгыг байдаг чадлаараа балбаад байдаггүй харин аяарханаар, зөөлхөн тогшсоор байдаг. Харин бидний Түүнд хандах хандлага ямар вэ? Таны зүрх сэтгэлд Есүс Христ байгаа юу?

"Итгэлийн Үнэ Цэнэ" номын зохиогч richard wurmbrand

Иоганы бичсэн өгүүлэг дээрх Есүс гэж хэн бэ?

15:1 Есүс бол усын үзмийн мод ба Түүний Эцэг нь цэцэрлэгч.

15:2 Есүс үр ашиггүй мөчрийг огтлон хаяж, үр жимс гаргах мөчрийг засч, янзлан, тайрдаг.

15:4 Тасарч үлдсэн мөчир Есүстэй холбоогүй байдгын адил үр жимс гаргаж чадаагүй мөчир мэт хүмүүс Түүнтэй холбоогүй аж.
15:5 Есүс усан үзмийн мод, бид мөчир нь учраас Түүнтэй холбоотой болсон бид үр жимстэй амьдрах нь чухал.

15:6 Есүсгүйгээр бид хуурай, хатсан мэт.

15:7 Есүсийн Үгийг дуулгавартайгаар дагасан хүний гуйлтанд хариу өгч байна.

15:8 Хэрэв бид үр бүтээлтэй дагалдагч болохоо харуулж чадвал Ертөнцийн Эзэн Эцэг алдарших болно.

15:9 Есүс өөрийн Эцэгтэй үнэхээр хайртайн адилаар Түүний Эцэг нь Түүнийг хайрладаг. Тиймээс Түүний энэ их хайр дотор амьдрахтун.

15:10 Есүсийн Үгийг дуулгавартайгаар дагаж чадсан хүн Түүнд хайртайгаа харуулж чадна.

15:11 Есүс бидэнд төгс бүрэн дүүрэн хайрыг харуулсан.

15:12 Есүсийн хэлсэн үг нь "бие биенээ хайрла".

15:15 Бид Есүсийн зарц биш харин Түүний анд найз нь.

15:16 Бид Есүсийг сонгосон юм биш харин Тэр биднийг сонгон авсан учир үр жимсээр дүүрэн амьдарцгаая.

15:17 Есүс биднийг "бие биенээ хайрла" гэж тушаасан.

15:18 Энэ дэлхий Есүст хорсно.

15:19 Есүс биднийг энэ дэхийгээс салган авч сонгосон учраас энэ дэлхий бидэнд ч бас хорсох болно.

15:20 Хүмүүс Есүсийг хавчсан шиг тэд бас биднийг хавчих болно.

15:23 Есүсийг үзэн ядсан хүн Түүний Эцгийг ч бас үзэн ядна.

15:24 Есүсийн хийсэн бүхнийг хараад тэд Түүний Эцэгт нь хорсох болно.

15:25 Ямар ч шалтгаангүйгээр хүмүүс Есүсийг үзэн ядна.

15:26 Ертөнцийн Эзэн Эцгээсээ Есүс өөрийн Туслахаа (Ариун Сүнс) бидэнд үлдээж, тэр Туслах нь Мөнхийн Эзэний Үнэнг бидэнд ойлгуулаж өгнө.

"Ертөнцийн Эзэний ер бусын улс

ийм цайлган хүмүүсийнх учраас

тэднийг ирэхийг бүү хоригло!"

Матай 19:15

Дарга, захирал, толгойлогч... гээл олон янзын салбарт төрөл төрлийн удирдагч нар байдаг. Харин Есүс Христэд итгэлээ суурьлуулсан бидний хувьд хэн бидний удирдагч буюу Их Эзэний сүмийг барьж босголцоход чухал үүргийг хэн гуйтэцгэх вэ?...

Иймэрхүү гуйлтууд байдаг:

• "Мөнхийн Эзээн, би Таны сүмийг барьж босгох болно"
• "Мөнхийн Эзээн, Та надаар сүмээ байгуулаач"
• "Мөнхийн Эзээн, Та өөрийн сүмээ барьж босгооч"

Энэ гурван гуйлтын хооронд ямар ялгаа байгаав?...

Хамтдаа энэ талаар библиэр аялан, харцгаая.

• Матай 16:18 "...Чи бол Петр. Энэ хадан дээр Би өөрийн сүмээ босгох бөгөөд түүнийг үхэгсдийн орны хаалга дийлэхгүй."
• Үйл явдал 15:4 "...Ертөнцийн Эзэн тэднээр юу хийлгэснийг ярьж өгөв."
• Үйл явдал 20:28 "...Тэр хүмүүсийг харж хамгаалахыг Ертөнцийн Эзэний Ариун Сүнс та нарт даалган ахлагчаар томилжээ."
• Эфэс 2:21-22 "Байшингийн бүх хэсэг тэр чулуун дээр тулж байдгийн адилаар Түүнд итгэгч бүх хүн нэгдэн Есүс Эзэнд зориулан босгож буй нэгэн ариун сүм мэт болно. Ариун Сүнс та нарыг Есүс Эзэнтэй холбож, дотор нь Ертөнцийн Эзэн байнга оршигч сүм болгожээ."
• Холосас1:18 "Хүний оюун ухаан биеийг удирддагын адилаар одоо Есүс Христ өөрийнхөө бие мэт болсон хүмүүсийн тэргүүн билээ. Ертөнцийн Эзэний дахин амилуулсан анхны хүн бол Есүс учраас өөрийнхөө хүмүүст бас ёр бусын амьдрал өгч чадна."

Үргэлжлүүлэн 1Петр 2:4-10, 1Коринф 6: 15-16... гэх мэт библи дээрх сүмийн талаарх ишлэлүүдийг харахын бол хэнээс ч хамааралгүйгээр Ертөнцийн Эзэн өөрөө ажлаа хийдэг байх юм. Харин бидний сүмийн төлөөх гуйлт (тэр дундаа ахлагч, удирдагч, пасторуудын гуйлт) эрүүл эсэхэд асуудал байгаа бололтойдог.

Олон амжилттай яваа, амжилт нь үргэлжилсээр яваа сүмүүдийн хувьд пасторуудынх нь "Мөнхийн Эзэн минь, Та өөрийн сүмээ барьж босгооч." гэсэн гуйлтын үр дүнгүүд байдаг байна. Харин таны хувьд зүрх сэтгэл дэх гуйлт чинь хэрхэн өрнөж байна.

Магадгүй та сүмийн пастор биш, бяцхаан эсийн бүлгийн ахлагч ч байж болно. Зөвхөн таны зүрх сэтгэл дэх төлөв даруу гуйлт Их Эзэний зүрхийг хөдөлгөж чадах бус уу!

Нараа пасторын гэрчлэлээс иш татав.

Гэмээсээ эргэн буцаж
Гэмээ илчлэн
Уучлагдах явдал

Гэмээ илчлэн, уучлагдах тухай миний бодол.
Гэмийн харанхуй дунд байхдаа гэмээ илчлэх талаар бид үнэндээ шудрага байж чаддаг уу? Хэрэв бидний зүрх сэтгэлийн хандлага гэмээ илчлэх тэр шугам нь дээр бодитойгоор зогсож чадахгүй байгаа бол энэ жинхэнэ гэмийн илчлэлт, хүлээн зөвшөөрөх явдал болж чадах билүү?
Мэдээж хүмүүс бие биенээ гаднаас нь ажиглан харж чаддаг. Харин Мөнхийн Эзэн бидний зүрх сэтгэлийн гүнийг ажиглан харсаар... Ертөнцийн Эзэн биднийг хэлж, ярьж байх яг тэр мөчид зүрх сэтгэл дотроо юу бодож байгааг дэндүү сайн таниж, мэдэж чаддаг. Иймээс Ертөнцийн Эзэнийг тэнэг гэж бодон, хуурах гэсний хэрэггүйсэн. Хэрэв бидний зүрх сэтгэл хэлж, ярьж байгаа шугамтайгаа нэг зураас дээр байж чадаагүй бол бид зөвхөн хэн нэгнийг хуураад зогсохгүй, өөрийгөө ч мэхлэж, түүгээр ч барахгүй Мөнхийн Эзэнээ хууран, мэхлэж байгаа хэрэг мөн. Тэгвэл бид яах ёстой вэ? Бидий зүрх сэтгэл хэнээр ч хэлүүлэлтгүйгээр энэ нь буруу гэж хашгирсаар байдаг. Бид оюун бодолдоо гэмээ зогсоох тухай шийдэх боловч сэтгэлийн хөдөлгөөндөө автан зогсоож чадахгүй гэмтэйгээ зууралдсаар байх тохиолдол бий. Яаж бид сэтгэл хөдлөлөө өөрчилж, жинхэнэ оюун санаа, зүрх сэтгэл, хэл яриагаа болон амьдралаа нэг шугам нь дээр баттай зогсоож чадах вэ? Үүнд би хоёр хариулт өгөхийг хүсч байна.
· Гэмээсээ бүрмөсөн эргэж буцах шийдвэртэй тууштай бай. Юуг буруу үйлдснээ зөв зүрх
сэтгэлээр тунгаан бод. Жоганбаптизийн хэлснээр (библид хэлснээр-Матай 3:8, Луух 3:8) “...чөлөөлөгдөхийг хүсвэл гэмт амьдралаа орхигтун”. Эдгээр нь гэмтэй шууд холбогдож байна. Татвар хураагч Захчай гэмт байдлаа Есүст илчлэн, бүрмөсөн хаяж, бүх хууран мэхлэж авсан татвараа 4 дахин нэмж төлөхөөр шийдсэн талаас жишээ авч болно.
· Өөрсдийнхөө цорын ганц сонголт болох мөнхийн амьдрал болох эрдэнэсийн зүг сэтгэл
хөдлөл болон зүрх сэтгэлээ чиглүүлэх нь дээр. “Хүний баялаг байгаа газарт зүрх сэтгэл нь оршино” гэдэг шиг хэрэв миний зүрх сэтгэл дэх баялаг Мөнхийн Эзэний Хаант улсад байлгахын хүсч байаа бол шийдвэртэй үнэнч тууштай бай. Хэрэв бүхий л сэтгэл зүрхээрээ, бүхий л оюун бодлоороо, бүхий л чармайлалтаараа гэмээсээ эргэн буцаж, гэмтэйгээ тэмцэж, таслан зосоож чадах аваас бидний эд баялаг гэмт байдал байхаа больж, харин Есүс Христ бидний баялаг болон үлдэх болно.
Энэ нь Есүс Христ амь амьдралыг өгдөг гэсэн үг. “Гэм” хэзээ ч удаан, сайн сайхнаар үргэлжилдэггүй гэдгийг итгэгч хүн бүр мэднэ. Гэм бол Хорлон Сүйтгэгч. Мөнхийн Их Эзэн биднийг зовлон шаналал дундуур байлгаад байхыг хүсдэггүй ээ. Тэр бидэнд хэлэхдээ гэм бол гэм, учир нь гэм бидний амьдралыг сүйрүүлдэг. Үйл явдал 26:20 дээр энэ тухай хэлсэн байдаг. Энэ нь хүн ёсны ухамсарынхаа дагуу илчлэн гаргаж, хийсэн буруу үйлдэлээ эргүүлэн, сайн сайхныг үйлдэн, амьдралаараа гэрчлэн харуулах буюу төлбөрөө ингэж төлсөэ дээр. Зарим нэг өөрийн сурсан зүйлээсээ хуваалцахад: авралыг олно гэдэг нь тууштай шийдвэр ба амьдралын бодит гэрчлэл билээ. Би гэмт амьдралаасаа бүрмөсөн буцсаны дараах амьдрал маань итгэлийн хичээл зүтгэл мөн гэмт байдлаасаа чин сэтгэлээсээ, үнэн зүрхнээсээ эргэж буцсан гэдгээ гэрчлэн харуулах явдал юм. Энэ нь бид уучлалын төлөө амьдарна гэсэн үг биш харин бидний зүрхнээс гарсан үнэн үг амьдралд хэрэгжин, өөрчлөлт гаргах явдал билээ. Бидний үйлдэл нь гаргасан шийдвэрээ баттай дагаж чадах нь бидний ирээдүйн замыг өөрчилдөг.
Гэмээсээ эргэж буцна гэж юу вэ? Зүглэн алхаж байсан гэмт буруу зүг чигээ өөрчлөх гэсэн үг. Хэрэв бид буруу замаар будаагаа тээсээр, үргэлжлүүлсээр байхын бол хичнээн гэмээ илчлэх үйлдэл хийсэн ч гэмт байдал бидэнтэй зууралдсаар, боолчилсоор түүгээр ч барахгүй гэмтэй байдалдаа харамссан, гэмшсэн байдал огт байхгүй л байгаад байна гэсэн үгээ. Ингэсэнээр чиний аврал үгүй болж айдас, хүйдэс байнга дагалдсаар байх биш үү.
Авралыг бид
1. Чин сэтгэлийн гуйлтаараа дамжин, гэмээс чөлөөлөгдөж, Мөнхийн Эзэний Хаант улсад орох
2. Гэмт амьдарлаас чөлөөлөгдөж, аврагдасан ба Есүс Эзэнийхээ төлөө амьдарч, өсөж хөгжиж байж олж авна.

Иймээс би өөрийнхөө амьдралаараа биш Ертөнцийн Эзэний өгсөн амьдралаар амьдрах нь чухал.

Итгэлийн анд St's үгнээс суралцав.

Иоганы бичсэн өгүүлэг дээрх Есүс гэж хэн бэ?

13:3 Ертөнцийн Эзэн Эцэг бүхнийг Есүсийн гарт өгсөн ба хамгаас их эрх мэдэлтэй Есүс Эцгээсээ ирсэн бол бас буцна гэдгээ мэдэж байсан.

13:13 Есүс багш байгаад зогсоогүй Их Эзэн байсан.
13:14 Есүс хүмүүсийн хөлийг угаасан шиг бид бас үйлчилнэ.

13:20 Есүсийг хүлээн авсан хүн Түүнийг илгээсэн Нэгнийг бас хүлээн авч байгаатай адил.

13:31 Есүс алдаршихад Ертөнцийн Эзэн Эцэг нь ч алдаршина.
13:32 Ертөнцийн Эзэн Эцэг хүү Есүстээ яруу алдараа бас өгнө.
13:34 Есүс шинэ тушаалуудыг бидэнд өгсөн. Мөн Есүс биднийг хайрласан шиг бид бие биенээ хайрлах хэрэгтэй.
14:2 Мөнхийн Эзэн Эцгийнхээ дэргэд бидэнд зориулсан байрыг Есүс бэлтгэж байгаа.
14:3 Тэгээд Есүс буцан ирж, биднийг авна.
14:6 Есүс бол зам, үнэн, мөн амьдрал юм. Хэн ч Есүсээр дамжилгүйгээр Мөнхийн Эзэн Эцэг рүү хүрч чадахгүй.
14:7 Хэрэв чи Есүсийг таниж, мэдсэн бол Түүний Эцэг Мөнхийн Эзэнийг ч таньсан гэсэн үг.
14:9 Есүсийг харсан хүн Түүний Эцэг Мөнхийн Эзэнийг харсантай адил.
14:10 Есүс Ертөнцийн Эзэн Эцгийнхээ дотор, Ертөнцийн Эзэн Эцэг нь Есүсийн дотор оршин байдаг.
14:12 Есүст итгэсэн хүн Түүний хийснийг бас хийж чадна. Тэгээд Есүсийг Эцэг рүүгээ буцсныг дараа Түүнээс илүү гайхамшгуудыг үйлдэх болно.
14:13-14 Есүсийн нэр дээр гуйсан бүхнийг Тэр Ертөнцийн Эзэн Эцэгээ алдаршуулахын тулд зайлшгүй биелүүлж өгнө.
14:15 Хэрэв бид Есүсийг хайрлахаар шийдсэн бол Түүний тушаалыг нь дагах ёстой.
14:19 Энэ дэлхийн хүмүүс Есүсийг дахин хэзээ ч олж харж чадахгүй, харин Түүнд итгэсэн хүмүүс бид Түүний харж чадна. Учир нь Есүсийг амьд гэдгийг Түүний хүмүүс л мэднэ.
14:20 Есүс нас бараад дахин амилаад, Ертөнцийн Эзэн Эцгийнхээ дэргэд байгаа шиг бид бас Есүст итгэж, Түүнтэй нэгдснээр дахин амилах болно.
14:21 Есүст үнэхээр итгэсэн хүн Түүний Үгийг дагаж чадна. Тийм л хүнийг Есүс улам ихээр хайрлах болно.
14:27 Есүс бидэнд амар тайвнаа өгсөн. Тэрээр энэ дэлхийд биш харин бидэнд амар тайвнаа өгсөн.
14:31 Ертөнцийн Эзэн Эцэг хайртай болохоо хүн төрөлхтөнд ойлгуулахын тулд Есүс Эцгийнхээ хэлснийг биелүүлдэг.

"Би замуудаа тунгаан бодож, хөлөө Таны гэрчлэлүүдийн зүг эргүүлсэн. Таны тушаалуудыг сахин биелүүлэхээр би яаравчилсан бөгөөд үүнийгээ хойшлуулаагүй билээ."

Дуулал 119: 59-60

Иоганы бичсэн өгүүлэг дээрх Есүс гэж хэн бэ?

10:7 Есүс бол хонин сүргийн хашааны Хаалга.

10:9 Есүс хонин сүргийн хашаан дотор орж ирсэн хонь нэг бүрийг аврах ба ногоон зүлэг рүү аваачна.

10:10 Есүс дээр ирсэн хүн хангалуун амьдралтай болно.
10:11 Есүс бол хонин сүргийн сайн Хоньчин, Тэрээр хонин сүрэг мэт хүмүүсийнхээ төлөө амиа өгнө.

10:15 Ертөнцийн Эзэн Эцэг, Есүс бие биенээ маш сайн мэднэ.
10:16 Есүст хонин сүргийн хашаанд нь орох ёстой өөр хонин сүрэг бий. Тэднийгээ бас авчрах болно.
10:17 Есүс өөрийн амийг буцааж авахын тулд амиа өгнө.

10:25 Есүсийн хийсэн үйлс Түүнийг гэрчилдэг.

10:27 Есүсийг дагаж буй хоньд нь Түүний дууг сонсоод таньдаг.
10:28 Есүс өөрийн хонин сүрэгтээ Мөнхийн амьдрал өгнө.

10:30 Ертөнцийн Эзэн Эцэг, Есүс хоёр бол нэгдмэл юм.

11:25 Есүс амилсан ба амьд. Түүнд итгэгч бүхэн хэзээ ч үхэхгүй.

11:26 Есүст итгэгч хүн хэзээ ч үхэхгүй.

11:51 Есүс Иудей үндэстэний төлөө нас барсан.

11:52 Есүс өөрийн хүүхдүүдээ нэгдэхийн төлөө нас барсан.

12:32 Есүс бүх хүнийг өөрийн адил өргөнө.

12:35 Есүс бол гэрэл учир бид харанхуйд алхах хэрэггүй.

12:36 Гэрэл дотор алхагч тэдгээр хүмүүс нь гэрлийн хөвгүүд юм.

12:44 Есүст итгэгч нь зөвхөн Түүнд итгэж байгаа биш харин Түүнийг Илгээгч Нэгэнд итгэсэн гэсэн үг.

12:45 Есүсийг харагч нь Мөнхийн Эзэнээ мөн харж байна.

12:46 Есүст итгэгч хүнийг харанхуйд байлгахгүйн тулд Тэрээр энэ дэлхийд Гэрэл болон ирсэн.

12:47 Есүс зөвхөн Иудейчуудын төлөө ирээгүй. Харин хүн төрөлхтөнийг аврахын тулд ирсэн.

12:48 Есүс Түүнийг эсэргүүцэгчдийг шүүх болно.

12:49 Есүс Ертөнцийн Эзэн Эцгийнхээ тушаалын дагуу ярьдаг.

12:50 Есүс зөвхөн Эцгийнхээ тушаалыг хэлж, биелүүлдэг.

Ням гаргийн сургаалаас

Иоган 3:16

"Ертөнцийн Эзэн Хишгээд үнэхээр хайртай учраас ганц хүүгээ илгээсэн юм. Учир нь Мөнхийн Зовлонд орох ёстой Хишгээ хүү Есүст нь итгэвэл Мөнхийн Амьдралд орж чадна."

Би Ертөнцийн Эзэнээс библийн Үгээр гуйлт хийхдээ өөрийхөө нэрийг оруулан гуйдагийм л даа.

Энэ ишлэлээс харахад

• Би өөрийн гэмтэй байдлаа олж хардаг.
• Ертөнцийн Эзэний Ариун байдлыг олж мэддэг.

Иоганы бичсэн өгүүлэг дээрх Есүс гэж хэн бэ?

7:16 Есүс өөрийхөө үгийг биш харин Түүнийг илгээсэн Ертөнцийн Эзэний Үгийг зааж байсан.
7:28 Есүс өөрийн хүслээр ирээгүй харин Үнэнч Шудрага Нэгэн Түүнийг илгээсэн.
7:37 Ангаж цангасан хүн Есүс дээр ирж, Түүний амийн уснаас ундаална.
7:38 Есүст итгэсэн хүнээс амьдрал тэтгэгч ус урсан гарах болно.
8:12 Есүс бол энэ дэлхий дээрх Гэрэл учир Түүнийг дагасан хүн харанхуйд биш Гэрэлт Амьдралд алхах болно.
8:23 Есүс энэ дэлхийнх биш харин Тэр өндөрт өргөгдсөн Нэгэн.
8:26 Есүс Ертөнцийн Эзэн Эцгээсээ сонсон зүйлээ хүмүүстээ хуваалцаж байсан.
8:29 Есүс цаг үргэлж Ертөнцийн Эзэн Эцгийнхээ Үгийг дагадаг байсан.
8:31 Есүст чин үнэнчээр итгэн, дагасан хүн Түүний жинхэнэ дагалдагч.
8:32 Хэрэв чи Үнэн мэдвэл, Үнэн чамайг Чөлөөлнө.
8:51 Есүст итгэн дагасан хүн хэзээ ч үхэхгүй.
8:58 Аврахамыг төрөхөөс ч өмнө Есүс оршин байсан.
9:5 Есүс бол Хорвоогийн Гэрэл.
9:39 Есүс энэ дэлхийд ирснээр Ертөнцийн Эзэнийг мэдэхгүй сохор мэт байсан хүмүүс хараатай болж, бардам сайрхагч нарыг таг сохор мэт болгоно.

Luke 12:34

Get my banner code or design your own banner

Иоганы бичсэн өгүүлэг дээрх Есүс гэж хэн бэ?


4:14 Есүсийн өгсөн амийн уснаас уусан ямар ч хүн цангахгүй, мөнхийн амьдралтай болно.
5:19 Есүс өөрийн хүслээр биш Ертөнцийн Эзэний хүслийн дагуу бүхнийг хийдэг.

5:20 Бүх шийдвэрүүд Есүст өгөгдсөн.

5:30 Есүс Мөнхийн Эзэний бодлоор шүүнэ. Учир нь Тэр Ертөнцийн Эзэн Эцэгийнхээ бүх хүслийг дагадаг.

5:36 Мөнхийн Эзэн Есүсийг илгээсэн нь бүхий л үйлсийнхээ баталгаа болгосон.
6:35 Есүс бол амьдралын талх, тэр талхнаас идсэн хүн хэзээ ч өлсөхгүй, Түүнд итгэсэн нэгэн хэзээ ч цангахгүй.

6:37 Есүс рүү ирсэн хүнийг Тэр хэзээ ч түлхэхгүй.

6:40 Энэ дэлхий сөнөсний дараа Өөрт нь итгэсэн хүн нэг бүрт Есүс Мөнхийн амьдрал өгнө.

6:51 Есүст итгэсэн хүн Мөнхийн амьдралыг зайлшгүй авч, Түүний хэлснээр тийм хүнд Өөрийнхөө биеийг өгнө.
6:63 Есүсийн Үгийг нь дагасан хүнд амьдрал бэлэглэгч Сүнсээ өгөх болно.

Иоганы бичсэн өгүүлэг дээрх Есүс гэж хэн бэ?

3:13 Есүс Мөнхийн Улсаас доош бууж ирсэн.

3:15 Есүст итгэсэн хэн бүхэн Мөнхийн амьдралтай болно.
3:16 Хүү Есүст нь итгсэн хүн бүрт үхэл биш Мөнхийн амьдрал бий.
3:17 Мөнхийн Эзэн Есүсийг энэ дэлхий рүү илгээж, Түүгээр дамжуулан хүн төрөлхтнийг аварсан.

3:34 Есүс Ертөнцийн Эзэний Үгийг ярьж байсан.

3:35 Ертөнцийн Эзэн Есүсийн гарт бүхнийг өгсөн.

3:36 Түүнд итгэсэн хүн Мөнхийн амьдралтай.