"Above all" дууг Монгол хэл рүү хөрвүүлсэн түүхээс

Above all powers, above all kings
Above all nature and all created things
Above all wisdom and all the ways of man
You were here before the world began
Above all kingdoms, above all thrones
Above all wonders the world has ever known
Above all wealth and treasures of the earth
There's no way to measure what you're worth

Crucified
Laid behind a stone
You lived to die
Rejected and alone
Like a rose
Trampled on the ground
You took the fall
And thought of me аbove all

Миний мэдэх англи хэл тийм ч сайн биш! Гэхдээ Их Эзэнийг магтсан англи хэл дээрх зарим дуунуудыг сонсоод, зүрх сэтгэл минь хэлэхийн аргагүй ихээр догдолж, үзэг, цаас, зарим нэг толь бичгээ барьж суухаас ч буцахгүй байдалд ордымдаа. Гэхдээ үнэхээр тухай дууны утга нь маш хүчтэйгээр нөлөөлсөн үед тэр дууг хэдэн өдрөөр, заримдаа ч хэдэн сараар ч хамаагүй сонсох тохиолдол бишгүй дээ гардаг.

Одооноос 8 жилийн өмнө нөхөр маань нэг Сингапур пасторын гэрт энэ дууг сонсож, "Есүс өөрөө бүхнээс дээдийн дээд, үнэтэй Нэгэн мөртлөө миний төлөө бүхнээ орхиж, намайг Ертөнцийн Эзэний хувьд үнэ цэнэтэй болгосон тухай" гээд уйлж байсансан. Тэр үеэс хойш би "Above all" дууг ганц ч болов сонсохсоон гэж хүсэж байлаа. (Тухайн үед дуртай дуугаад хайгаад олчихож болдоггү байсан цаг.) Харин тэр явдалаас хойш бүтэн 1 жилийн дараа уг дуутай кассетыг олж, сонсож үзлээ. Анх сонсоод утгыг нь сайн ойлгож чадахгүй байсан хэдий ч аялгуу нь үнэхээр зүрхэнд хүрч байсан юм. Ахин дахин маш олон удаа сонсож, үгийг нь тунгаан бодсоор байв. (Бараг бүтэн 2 сар уйгагүй сонссон шиг санагдана.) Харин нэг шөнө гэнэт миний (онгод орж^_^) зүрх сэтгэл тэр дууг бүрэн дүүрэн ойлгож, маш их уйлсан. Учир нь хамгаас дээд, бүхний тэргүүн, хаадын Хаан бүхнээ орхиж, Ертөнцийн Мөнх Эзэний хүслийг биелүүлэхээр энэ дэлхийд ирж, миний төлөө ганцаардал, гологдол, гадуурхал, зовлон, өдвөлтийг үүрсэн, бас өөрөө хамгийн үнэ цэнэтэй эрхэм мөртлөө тэр бүхнээсээ илүүтэйгээр намайг үнэтэйд тооцож, өндөрт өргөсөөн гэж бодохоор зүрх сэтгэлд минь маш ихээр хүрч байлаа. Энэ дэлхий дээр хэн ч хэний ч төлөө ингэж амиа зориулж, өөрт байгаа бүхнээ "май, энийг ав" гэж хэлж, өгч чадахгүй шүү дээ.

Тэгээд үзэг, цаасаа барьж суух нь тэр. Нилээн олон цаг оролдсон, маргааш нь, нөгөөдөр нь гээл хэдэн өдрөөр оролдож билээ. Ингээд нэг өдөр нөхөртөө үзүүлтэл, түүнд маш их таалагдсан. Мэдээж зарим нэг жижиг засварууд хийгдсэн л дээ.

Бүхнээс үнэтэй

Бүх хүч чадал, хаад ноёдууд

Байгаль ертөнц дэлхий дээрх бүтээлүүд

Мэргэн ухаан энэ бүгдээс ч илүү

Орчлон үүсэхээс ч өмнө Та байсан

Хаант засаглал, хаадын титэм

Хамгийн тансаг сэтгэл татам гайхамшигууд

Энэ дэлхийн эд баялаг

Эрдэнэсээс ч илүү

Та хэмжээлшгүй үнэ цэнэтэй билээ

Хүн зонд та гадуурхагдаж

Миний төлөө ганцаардан цовдлогдсон

Анхилуун сарнай газарт гишгэгдэх мэт

Та нас барахдаа намайг үнэтэйд тооцсон

Энэ дууг сонсоход, дуулахад би маш даруу, ухаалаг, зөөлөн, эелдэг Христ Есүсийн зүрх сэтгэлийг мэдэрдэг. Миний сүнс өөрийн эрхгүй Түүнийг бишрэн хүндэлж, гар минь өөрийн эрхгүй Түүн рүү өргөгддөг.